Çemen
June 27, 2009
Filed under food, kushina aziatike, meze, traditional, turkish cuisine
Tags: piquant, souce
Kjo lloj salce e quajtur çemen ne Turqi eshte shume popullore dhe preferohet te perdoret mengjeseve ndonese eshte aq e shijshme sa ju siguroj se mund ta kollofisni shume lehte ne cdo kohe 
Per pergatitjen e saj ju duhen :
3 thelpinj hudhre
4 luge gjelle vaj ulliri
2 luge gjelle limon
2 luge gjelle pluhur kumin (ne anglisht cumin ose fenugreek)
2 luge gjelle salce speci te kuq
1/2 luge gjelle salce domateje
4 luge gjelle arra te shtypura
2 dege majdanozi
kripe
Per te perfituar nje mase homegjene dhe mire te perizer ju keshilloj ti vini te tera asortimentet ne mikser (pervec arrave) dhe ti perzieni mire per nje kohe te gjate.Arrat shtojani ne fund qe te mos jene fare te vogla.
Keshtu fare lehte dote perfitoni nje salce shume te kendshme per te lyer buken ne megjes .
Ju befte mire!
Kek i lagur
May 24, 2009 
Kjo recete keku eshte shume popullore ne Turqi.Kisha ca kohe qe mendoja ta ndaja me ju, mirepo kisha shume receta te ndryshme rreth ketij keku.Si perfundim vendosa te zgjedh njeren
Ate e morra ne kete faqe (www.portakalagaci.com) , mgjth bera disa ndryshime se turqit perdorin shume sheqer dhe yndyre
Per ta pergatitur kete kek ju duhen :
4 veze
100 gr sheqer
2 luge kakao
150 ml qumesht
60 ml vaj
200 gr miell
sode buke
1 pakete vanilje
1 gote leng qershie (une e perziva ca dhe me portokall, mund te perdorni dhe lengje te tjera sipas deshires)
Pergatitja :
Perzini 4 vezet me sheqerin,kakaon,vajin dhe qumeshtin.Nga ky mix lini menjane nja 100 ml ne nje gote uji.Ne pjesen qe ngelet shtoni miellin (te cilin e keni perzier me pare me soden) dhe vaniljen dhe perzijini dhe njehere.
Me tej futeni kete mase ne nje tepsi xhami te lyer me pare me pak gjalpe dhe vijeni te piqet per 45-50 minuta ne 180 gr C.
Me pas nxirreni nga furra dhe hidhni siper kekut lengun e qershive (sic ju thashe une i shtova dhe lengun e nje limoni si dhe i lashe kokrrat e qershive pasi i qe shtrydhur lengu brenda ne gote).
Lijeni 5 minuta sa te pije lengun dhe me pas hidhini dhe miksturen qe patet vene menjane ne nje gote qe ne fillim .Kujdesuni qe te laget mire tere keku.
Me tej futeni ne furre serish dhe lijeni ta pije vete lengun pa e ndezur me furren!Une e lashe nja 15 minuta do ta shikoni qe eshte gati kur miksi qe i hodhet ne fund te rrije si i mpiksur
Ju befte mire!
Me tej
Lulelaker me berxolle
500 gr mish tul
2 qepe
2 karrota
2 speca
1 lulelaker e mesme
disa gjethe dafine
pak salce
pak piper,kripe
vaj ulliri
30 ml vere e bardhe
Se pari rrahim mishin dhe e kriposim nga dy anet.Me tej e skuqim lehtaz ne tiganin ku kemi hedhur vaj ulliri.Me tej e shuajme me veren.I shtojme dhe 1-2 gjethe dafine dhe e perzjejme lehte.Nga ana tjeter , presim qepet ne forme drapri,karrotat , si fije te holla te gjata dhe specat po ashtu dhe i japim dhe atyre nje skuqje te lehte ne tave.Me pas, hedhim salcen dhe pasi i perziejme pak, shtojme berxollat.
Ne nje tenxhere te vogel e ziejme pak lulelakren duke i shtuar dhe disa kore buke , per te menjanuar eren e pakendeshme te saj. ( Dhe pas kesaj nuk besoj se do kete shume njerez qe do e nxjerrin si pretekst kete gje per te mos ngrene lulelaker apo laker e brokoliJ )
Ja shtojme dhe lulelakren miksit qe pergatitem me lart , duke i hedhur dhe pak kripe e piper ne fund.I leme dhe pak kohe ne zjarr te ulet, pastaj eshte gati per servis.Ju befte mire!
Kajmakçiu Pando
May 10, 2009
Filed under breakfast, curiosity, food, photography, traditional, turkish cuisine
Tags: breakfast, brunch, bulgarian cuisine, kajmak, kajmakci Pando, tradita, vende
Sot vendosa t`ju flas per nje vend te preferuar timin ne Stamboll.
Kajmakçi Pando.
Ky dyqan i vogel i hapur qe ne vitin 1895 , vazhdon ende me sukses te jete nje nga vendet me te pelqyera dhe te famshme per te bere mengjesin ose brunch sic perdoret ne kohet e sotme dendur
Dyqani ndodhet ne Beshiktash, Stamboll dhe nese ju bie rruga per andej po jua them se e gjeni fare lehte eshte prane Dolmabahce Place dhe Hotel Conrad , me sakte ndodhet ne brendesi te carshise se Beshiktashit.
Une per vete e frekuentoja shpesh pasi e kisha afer.
Pando ,pronari dhe menaxheri i moshuar i kesaj kioske , e drejton vendin e tij se bashku me gruan e tij qe prej shume vitesh kur e ka marre persiper nga i jati.
Vendi eshte shume i vogel nuk i kalon 20 metra katrore, dhe me thene te drejten nuk eshte se ka ndonje pajisje shume moderne dhe te shndritshme por ama eshte serish shume i kendshem me ato dollapet e tij ngjyre blu dhe dyshemene me pllaka te vjetra qe i shtojne kioskes ndjesine dhe kujtimet e bukura te se kaluares.
Edhe menyra e sherbimit, por edhe menuja eshte e tille.
Ne menune e tij perfshihen : kajmak (qe perfitohet nga qumeshti i rrahur i buallices (miss deizi hi i cili eshte dhe specialiteti i dyqanit , qumesht i zier , kos, mjalte,fergese ne stilit turk, dhe mengjes bullgar (Pando eshte me origjine bullgare).
Sa i perket shijes se te gjitha gjerave te servirura por sidomos kajmakut dhe mjaltit , te shoqeruara perhere me franxholla speciale te sapodala nga furra , ato jane speciale.
Piket negative per kete kioske simpatike jane , mungesa e pastertise (fundja drejtohet nga nje cift i moshuar) , paqendrueshmeria ne cmim (Pando i rrumbullakos vete si do ) dhe fytyra perhere e vrazhde dhe nervoziteti qe ky cift ka ne sherbim e siper.
Por megjithate ama kjo nuk e ka penguar kete vend te futet neper listat top 10 te restoranteve me te mira per te bere megjeset ne Stamboll.
Dhe une ju them se duhet vizituar sido qe te jete pasi do te jete nje eksperience e vecante .
Ju befte mire nese ju bie rruga andej.
Per me shume foto dhe info rreth kioskes shihni ketu :
http://istanbuleats.com/2009/04/kaymak-the-heavenly-cream/
http://lezzetinizinde.blogspot.com/2006/02/bulgarn-kayma.html
http://www.tripadvisor.com/Restaurant_Review-g293974-d806545-Reviews-KaymakcI_Pando-Istanbul.html
http://travel.nytimes.com/travel/guides/europe/turkey/istanbul/71772/kaymakci-pando/restaurant-detail.html
http://onsekiztemmuz.blogspot.com/2009/02/kaymakc-pandoda-kahvalt.html
Buke me Rigon
Sot po ju sjell ketu receten e nje lloj buke te vecante me rigon , qe mund ta pergatisni fare lehte ne shtepite tuaja.
Per nje buke per 4 persona duhen :
4 gota miell (mund te perdorni dhe miell thekre apo ndonje miell dietik)
1 filxhan kafe vaj ulliri
2 luge kafeje sheqer
2 luge kafeje kripe
1 luge gjelle maja
1 + 1/2 gote uje
1 grusht rigon
Perzijini tere elementet e mesiperme mire per te krijuar brumin e bukes.Me tej vijeni ate ne nje tas dhe pasi ti vini nje pecete pakez te lagur siper lijeni brumin te vije per rreth 30 minuta.Me pas merreni dhe punojeni dhe nje here.Pastaj jepini formen qe deshironi dhe vijeni ate ne tepsine qe e keni lyer me pare me pakez margarine ne furren e ngrohur pakez me perpara dhe lijeni deri sa te piqet nen temperaturen 180 gr C.
Servireni te nxehte.Ju befte mire!
Sallate me lakra, molle & karrota
Lakra eshte nje nga perimet me te preferuara dhe nga dieticienet per shkak te vetise se saj diuretike.Por jo te tere e duan lakren dhe shijen e saj.Ketu po ju sjell nje recete sallate me laker qe e kam mesuar ne Turqi.
Shpresoj t`ju pelqeje.
Per kete sallate ju duhen :
Gjysem lakre e bardhe
1 molle
dy karrota te mesme
lengu i nje limoni
1 luge mustarde
vaj ulliri
kripe
Priten gjethet e lakres imet.Po ashtu edhe molla dhe karrota grihen imet.Me tej vendosen ne pjatancen e sallates.
Vecmas pergatisni vajin dhe shtoni dhe mustarden dhe lengun e limonit e kripen ne nje tas deri sa te krijohet nje mase homogjene.
Hidheni me tej siper pjatances dhe perzijeni.
Sallata eshte gati.
Ju befte mire!
Tave me spinaq dhe patate
Per te tere ata qe me kerkuan gatime te lehta pranverore , ja ku vjen kjo recete;)
Per nje tave (varet nga tava dhe sasia e perimeve dhe erezave te perdorurkjo recete jepet per nje tave te vogel me diameter rreth 20 cm).
5 patate mesatare
1/2 kg spinaq
1 luge nenexhik (mente),koper e grire holle,majdanoz)
salce beshamel
( Per salcen beshamel ju duhen:
3 luge gjalpe
3 luge miell
1 veze
½ lt qumesht
Per te pergatitur salcen beshamel :Ne nje tave , skuqim 3 luget e gjalpit, hedhim 3 luget e miellit dhe e skuqim pak ate.Me tej shtojme ne te dhe qumeshtin ku kemi futur dhe vezen.I perziejme keto mire deri sa krijohet salca beshamel.)
pak vaj
kripe,piper i zi
nje pjate djathe kackavall i bute i grire ne rende
Se pari lani patate dhe spinaqin dhe pritini patatet ne forme rrethore, priteni dhe spinaqin holle.Jepini nje skuqje te lehte spinaqit me nja 1 luge vaj ne tave duke shtuar aty dhe erezat dhe kripen e piperin e zi.Me tej , ne tepsine qe e keni lyer pakez me gjalpe ose margarine perpara shtroni nje here patatet, pastaj siper vini miksin e spinaqit me ereza.Perseriteni kete 2 ose 3 here sipas deshires.Ne fund fare vini nje shtrese me djathin e grire kackavall si dhe salcen beshamel .
Vijini ne furren e ndezur perpara dhe mbajeni aty per nja gjysem ore ose me shume nese doni ne temperaturen 170 gr C.
Servireni te ngrohte.
Ju befte mire!
shenim: kjo mund te behet dhe me peta ndermjet kateve por une preferova beshamelin si me i lehte.
Bombardim me vitamine C :)
Ardhja e pranveres ,sjell perhere plogeshti apo lodhje ndaj sot vendosa te sjell ketu nje recete shume te thjeshte , sa edhe energjike.
Per ta pergatitur kete pjate te kendshme ju nevojiten:
400 gr luleshtrydhe
2 portokalle
2 limona
2 luge sheqer
Lajini luleshtrydhet dhe pritini ne forme rrethore.Shtrydhni portokallet dhe limonat dhe shtojini dhe sheqerin lengut te tyre .Perzijini mire dhe hidhini siper luleshtrydheve .Lijeni per nje kohe ne frigorifer.
Servireni te ftohte.
Ju befte mire!
Buke misri
Sot po ju sjell ketu nje recete buke misri mes shume recetave te tjera qe egzistojne.Mua me terhoqi shija e kesaj ndaj vendosa ta ndaj me ju.
Per te pergatitur buke misri ne shtepi ju duhen:
2 filxhane caji miell
2 filxhane caji miell misri
1 filxhan caji kos
1/2 filxhan caji vaj
2 veze
1 filxhan caj uje te gazuar
1/2 luge sode buke
Pergatiteni brumin me asortimenetet e mesiperme dhe hidhini ne fund dhe ujin me soden.Perzijini serish.Me tej perpara se ta vini ne tepsi (lyeni kete te fundit me margarine dhe pakez miell per te parandaluar ngjitjen e brumit).
Vijeni ne furre me 180 gr C .Furra duhet te kete qene ngrohur ca perpara.
Servireni te ngrohte .Ju befte mire!
Supe me selino
Serish sot po vij me nje recete supe sa te thjeshte aq edhe ushqyese.
Supe me selino.Se pari dua te shkruaj dicka rreth selinos , perime qe nuk para perdoret shpesh ketu ne Shqiperi.
Selino eshte nje perime shume e rendesishme per shkak te pasurise se saj ne vitamina si A,B dhe C , po ashtu permbajtjes se kalciumit, hekurit , potasiumit selino luan nje rol te rendesishem ne mbrojtjen e trupit kundra kancerit, gripit , infeksioneve, po ashtu ruan sistemin nervor dhe ju qeteson , ul tensionin e larte (per kete keshillohet perdorimi i kercellit te tij neper sallatra etj),hap oreksin dhe lehteson tretjen,ka efekt dobesimi , hedh guret e veshkave,pastron gjakun , hedh ujin e tepert nga turpi si dhe ka veti afrodiziake.Sidomos eshte mjaft e njohur per kete te fundit dhe eshte perdorur si ilac natyral prej vitesh.Kaq sa i perket te mirave te selinos.Me poshte keni receten:)
Kjo supe me selino do ti vije shume per shtat atyre qe jane duke mbajtur linjat ne kete kohe:)Kete supe mund ta pergatisi me ose pa yndyre.Nuk ka ndonje ndryshim drastik edhe po te mos perdorni yndyre.
Per 4 persona ju duhen:
2 selino mesatare (perdoret pjesa e bardhe e rrenjes per kete supe dhe jo kercelli)
200 gr kos
1 luge miell (mund te perdorni dhe miell dietik)
lengu i nje limoni
pak kripe dhe piper i zi
uje rreth 1 lt ose leng mishi 1 lt (ne mungese te lengut te mishit mund te perdorni dhe buljon)
pakez koper e grire
1 luge pana ne fund (opsionale dhe pa te nuk del e keqe)
Qerojini selinot dhe pritini ne copa te vogla.Pasi ti shpelani , vijini te zihen ne ujin/lengun e mishit ku te keni futur dhe lengun e limonit (kjo ndihmon te mos nxihet selino dhe i jep shije te kendshme).Lijeni te zihet , me tej merreni selinon (duke perdorur kullojse.mos e hidhni ujin qe zite selinon) dhe copetojeni fare imet ne mikser.
Ne nje tas perzini kosin me miellin mire , deri sa te krijohet nje mase e njetratshme.Shtojeni kete dhe selinon e grire ne tenxhere ku ndodhet uji /lengu i mishit dhe filloni ti perzini mire pa lene qe mielli te krijoje toptha te vegjel.Nga fundi shtoni kopren, kripen e piperin e zi dhe panen nese deshironi.
Mund ta servirni te ngrohte ose te ftohte.
Ju befte mire!
Fergese me melçi
Kjo lloj fergese besoj se eshte shume e dashur dhe e mirenjohur nga te tere, pasi ka qene perhere nje nga kultet e tryezave me meze.
Per pergatitjen e saj ju nevojiten:
1/2 kg melçi (pule ose viçi)
1/4 kg gjize
piper i zi
piper i kuq
vaj sipas deshires
kripe (sipas deshires)
Se pari melçite lahen mire dhe priten ne copa te vogla.Me pas vihen te zihen ne ujin e vet , ne zjarr te ulet.Si te jene zbutur ca dhe ti jete marre uji i vet, vijini ne tave dhe skuqini pakez, me tej shtoni gjizen dhe piperin e zi dhe te kuq si dhe kripe nese deshironi.
Lejini ne zjarr te ulet per disa minuta.Servireni te ngrohte.
Ju befte mire!
Ti pastro e un bej pis , se ke rradhen e pastertis!
Copyscape ben pune jo shaka.Eshte mjaft e fuqishme ne kapjen e rasteve te tilla.
Kesaj here u habita mjaft te shikoja nje post timin te paraqitur tek faqja Hermes News me nje pershkrim krejt pa kuptim dhe pa lidhje me kete faqe si “recetat e gjyshes” .Se per ke gjyshe e kane fjalen, hajde dhe merre vesh, i vjen shume e lehte siç duket te shkruajne keshtu sikur lajne gjynafet.
Nuk me intereson nese mund te jem bere boze me keto shkrime , une do te vazhdoj te mbroj te drejten e autorit dhe do te diskretitoj ketu te tere ata “te mençur ” qe nuk respektojne aspak te drejtat e autorit , me shkrimet e fotot e te cilit ata mbushin faqet e tyre!
Te tille tipa, kane kohe te gjurmojne postime te ndryshme ,por s’kane aspak kohe te shenojne emrin e autorit dhe adresen e faqes ku e kane perlare shkrimin.
Po jua perseris! Dhe kete nuk e them vetem per vete por ne emer te tere atyre qe i merret shkrimet!
Emri i autorit dhe venia e adreses se faqes nga e keni marre shkrimin eshte i detyruar! Ne rast se kjo ju vret “sedren” tuaj krijuese,lereni fare ate shkrim!
Poshte mund te shihni shkrimin tim te marre nga Hermes News:
shkrimi origjinal:http://yummania.wordpress.com/2009/01/23/supe-me-karrota-dhe-portokall/
ja dhe artikulli tek Hermes News si dhe foto prej faqes se tyre:
http://www.hermesnews.org/rubriche/3648—.asp
Byreçka me presh
Nje recete tjeter e lehte byreçkash eshte kjo e sotmja.
Mund te pergatitet fare kollaj me pete te gatshme nese deshironi.
Per harxhin me presh ju duhen:
500 gr presh
2 veze
1 gote qumesht
piper i zi
pakez kripe
Se pari lajini preshin mire dhe prejeni ne copa te holla.Me tej vendosini ne nje tenxhere dhe lijini te zbuten ne lengun e vet dhe nga fundi shtojini dhe pakez uje dhe lijini te zihet dhe per pak.Me pas i shtoni dy vezet (qe do ti keni rrahur veçmas) , qumeshtin, kripen dhe piperin dhe perzijini nje cope here deri sa te avullohet qumeshti dhe te mpikset veza.Harxhi kur te jete gati duhet ti jete thithur lengu qe ka.
Pasi te pergatisni harxhin , mu te pergatisni byreçkat.Pritini petat ne disa shirita (rreh 10 cm i gjere secili) dhe mbushini me harxh, me tej kthejini ne forme trekendeshi.Ne fund fare byreçka do marre formen e nje nuskeje si ajo qe shihni ne foto.Vazhdoni keshtu deri ne fundme tere harxhin dhe petat.
Me tej byreçkat ose mund ti skuqni ose ti piqni ne furre (rreth 110 grade celsicus).Furra duhet te jete e ngrohur me pare dhe tepsia qe vini petat te jete e lyer me pakez gjalpe/margarine.Po ashtu petat mund ti lyeni pakez me nje miksture (kosi me veze) siper .Behen me te buta.
Servirini te nxehta.Ju befshin mire!
Intermezzo-Mengjese ne vende te ndryshme te botes
Po ve ketu foto nga mengjese te bera ne vende te ndryshme te botes.Isha kurioze se per ke do benit me shume entuziazem?:)
Ne foton e pare mund te shihni nje foto mengjesi turk (me sakte nje mengjesi te thjesht turk se e kane zakon ata qe ngarkohen shume:) me simite me djathe).
Ne foton e dyte eshte nje mengjes francez (ne fakt i ngrene ne Islande por stili qe francez:).Me brioshin e famshem dhe kafene.
Ne foton e trete mengjes austriak.Austriaket ishin shume te famshem me llojet e ndyshme te briosheve disi me tjeter nga ata franceze.Perdornin shume fara,ereza siper ose brenda briosheve dhe them se me pelqyen shume.
Ne foton e 4t kemi mengjesin e famshem shqiptar.Per kete nuk po shkruaj me gjate dhe nuk dua ta bej pyetjen retorike se cili ju pelqen me shume;)
Pilaf miks me pule dhe kerpudha
Si nje ushqim i thate , pilafi shpesh preferohet te hahet duke u shoqeruar me gjelle te tjera apo me kos, si dhe duke u perzier me asortimente te tjera.Sot po ju jap nje recete tjeter per nje pilaf miks.
Per kete lloj pilafi per dy veta ju duhet:
1 qepe e madhe
250 gr kerpudha
1,5 gote uji oriz
3 gota uji leng pule
150 gr kaçkavall i grire
2 kofsha pule
kripe,piper i zi
pak nenexhik
vaj me sy
Pritini qepet si per gjelle.Edhe kerpudhat ne copa te vogla.Skuqeni qepen .Ne nje tigan tjeter vijini kerpudhat te zihen dhe te leshojne lengun e tyre.Pastaj keto te fundit i hedhim ne tiganin e qepeve, shtojme dhe djathin e grire kaçkavall dhe i skuqim se bashku per nje fare kohe. Pas pak futet orizi qe e kemi lare perpara.
Skuqen me qepen dhe kerpudhen e kaçkavallin per nje cope here pastaj futet lengun i pules, kripe, piper dhe pak nenexhik.Lihet ashtu deri sa te zihet.Me tej shtohen kofshat e pules dhe futini ne furren e ngrohur me perpara dhe lijeni deri sa te piqen pakez.Servireni te ngrohte.
Ju befte mire!
Hallve me irmik dhe limon
Sot po ju jap receten e thjeshte te kesaj embelsire shume te lehte si ne pergatitje dhe ne stomak:)
Per pergatitjen e saj ju nevojiten:
2 gota uje
2 gota qumesht
1 gote sheqer
1 gote irmik (semolina ne anglisht)
2 paketa vanilje
lekura e nje limoni te grire ne rende ose e copetuar shume imet
2 luge pana
disa kokrra arrash te copetuara
kanelle
Hidhni uji dhe qumeshtin ne tenxhere,shtoni dhe sheqerin,vaniljen me copat e vogla te limonit dhe perzijeni ca.Me tej shtoni irmikun dhe perzijini te tera ne zjarr te mesem deri sa masa te marre formen e nje muhalebije.Lijeni perzierjen dhe lijeni per pak kohe ne zjarr te ulet.Pastaj fikeni.Enen qe do vendosni hallven lageni pak me uje perpara.Me pas vijeni hallven ne ene duke i shtuar dhe kanelle & arra siper.
Prisni sa te ftohet dhe servireni .
Ju befte mire!
Supe me karrota dhe portokall
Siç e dini jam nje fanse e supave 
ndaj sot po vi serish me nje recete supe kete here disi me te ndryshme:)
Meqenese perhere preferoj te bej gatime me perime e fruta te stines ; edhe kete here preferova te sjell diçka te tille.
Per kete supe shume te shijshme ju duhen (Per 2 persona)
250 gr karrota
1/2 gote uji me leng portokalli
1 qepe e vogel
nje luge rigon
kripe,piper i zi
4 gota uji
1 luge gjelle vegete
1/2 filxhan kafeje vaj ulliri
dhe siper supes pana
Se pari pritini karrotat ne forme kubash te vegjel edhe qepen imet.Vijini se pari karrotat te skuqen pastaj dhe qepet.Si te jene skuqur disi; shtoni ujin dhe lengun e portokallit se bashku me vegeten,kripen,rigonin e piperin e lijini te zihen ne zjarr te ulet.
Ne fund servireni supen te ngrohte pa harruar ti shtoni pana siper.Ju befte mire!
Çomlek
January 14, 2009
Filed under food, mediterranean, traditional, veggie
Tags: çomlek, meat, spicy
Çomleku eshte nje gjelle mjaft e thjeshte dhe e shpejte ne pergatitje qe eshte pergatitur prej kohesh ne Shqiperi.Pergatitja e saj eshte shume e thjeshte dhe sipas deshires mund te behet me ose pa mish.
Ne te dyja rastet nuk ndryshojne perberesit e tjere.Po filloj pa u vonuar.
Per nje porcion 4 vetash çomleku ju nevojiten:
1 pako (rreth 250 gr qepujkash)
1 qepe mesatare
100-200 gr copa te vogla mish viçi ose pule (nese e beni me mish)
1 spec i kuq
2 shkopinj te vegjel kanelle (ose ne mungese te saj 3-4 cope karafil)
2-3 gjethe dafine
nje luge uthull
vaj ulliri sipas deshires (kur perdorni mish perdorni perhere me pak vaj)
kripe,piper me sy
nje luge salce
leng mishi (150-200 lt sipas deshires mund ta shtoni ca)
Pergatitja: Si fillim , qepujkave hiqjani lekuren ,shpelajini dhe me tej lijini ne nje tave ne zjarr te ulet te leshojne lengun e vet.
Ne nje tenxhere tjeter hidhni qepen mesatare (qe do ta keni grire si per gjelle), sqecin e kuq te grire ne forme copash te vogla dhe copat e mishit (nese perdorni mish) dhe skuqini pak ne vaj ulliri.Me tej shtojini lengun e mishit ,uthullen,kripen,piperin ,gjethet e dafines dhe shkoinjte e kanelles (ose karafilin ne vend te kanelles) dhe lijini te gatuhen vete ne zjarr te ulet.Ne fund shtojini dhe qepujkat siper kesaj mase dhe lijini dhe per ca kohe ne zjarr te ulet pastaj fikeni.Servireni te nxehte .Mund ta shoqeroni me kos , se shkon shume.Ju befte mire!
Guzhinieri i muajit : Edrus:)
January 2, 2009
Filed under food, traditional
Tags: "cook of the month"guzhinieri i muajit, edrus, meat, mish
Miq sot per here te pare do te vendos nje recete te pergatitur nga miku im Edrus;) (http://edrus.shqipo.com).
Me rastin e kesaj recete dhe fotove te derguara me shume dasharmiresi nga Edi (te cilit i jam mirenjohese per kete;) , vendosa te hap nje dosje te veçante per tere te apasionuarit e kuzhines.Nje here ne muaj ,YUMMANIA do te mireprese receta gatimi nga miqte e kesaj faqeje , se bashku me fotot e gatimit sigurisht;)
Tani pa e zgjatur me shume po ju le ne shoqerine e gatimeve te Edrus ,garancine e shijeve te te cilave na e jep i zoti i punes;) por edhe fotot vete flasin;)Ju befte mire ..edhe nje here falemderit Edrus!:)
Supe me lulelaker & leng mishi
Sot do ju jap receten e nje supe qe e provova para disa ditesh dhe qe ngela shume e kenaqur me thene te drejten.
Them keshtu se lulelakra sado e vlefshme si perime , nuk para pelqehet fort nga era e saj e veçante.Ne kete supe, era e saj karakteristike nuk ndjehet si dhe shija eshte shume e kendshme.
Pergatitja per 4 persona:
Gjysem lulelakre e mesme
1 lt leng mishi (viçi ose pule.une e bera me leng pule)
3 luge pana
250 gr kos i trashe
1,5 luge miell
kripe/piper sipas deshires
Se pari e therrmova lulelakren ne lulka te vogla pastaj e vura te zihet ne lengun e mishit.Pasi zihet e lashe nje kohe te rrinte ne lengun e mishit,duke e fikur zjarrin me pare sigurisht.Une e lashe deri sa u ftoh.Kjo ndihmoi qe aroma e mishit te kalonte krejtesisht tek lulelakra.Me tej ,hiqeni lulelakren dhe perzijeni ne mikser ,sa te shtypet fare.
Vijeni serish tek lengu i mishit.
Ne anen tjeter, ne nje tas shtoni kosin,panen , miellin dhe kripen dhe perzijini mire ne menyre qe te mos ngelen topa mielli.Pastaj hidhini ne lengun e mishit me lulelakren e copetuar dhe perzijini vazhdimisht ne zjarr te larte duke mos e leshuar asnje çast, perndryshe mielli do formoje topa.Pasi te shihni se eshte perzier mire lereni dhe per pak kohe ne zjarr te ulet.
Servireni te nxehte duke shtuar piper te zier sipas deshires.
Ju befte mire!
